BLACK@HEART
نائب المدير العام
الدولة : الجنس : الابراج : الأبراج الصينية : عدد المساهمات : 1630 نقاط العضو : 5763 تاريخ الميلاد : 22/10/1995 تاريخ التسجيل : 12/04/2011 العمر : 28 رئيس جمهورية المزاج : طنش تعش تنتعش
المهنة عارضة الطاقة: (0/0)
| موضوع: الامثال بالشامي الخميس أغسطس 04, 2011 5:27 pm | |
|
- يلي ماداق (ذاق ) المغراية ( عصا تستعمل لحرق الغراء المغلي ) مابيعرف شو الحكاية . ويقال للجاهل ما يدور حوله
- يلي ما بتزينه عروقه , مابتزينه خروقه (لباسه ) . يقال لصاحب الاصل
- خطف الكباية من راس الماعون ( الجرن ) . يقال للمتسرع في الامور
- مو (ليس) كل مين صف الصواني ال (قال ) انا حلواني . يقال للمهارات
- اذا صاحبك عسل لاتلحسه كله . ياقال للطمع بالشيء
- يلي بيته من ازاز (زجاج) مابيضرب الناس بالحجار . يقال لمن هو دون الاتهام
- عميل منيح (جيد ) وكبه (القيه) بالبحر . يقال للحث على فعل الخير
- يلي ما بيحضر ولادة عنزته بتجبله( تأتي له ) جرو . يقال للاعتماد على النفس بالعمل
- من بعد حشيشي عمره ما ينبت حشيش . يقال للأناني
- حط اصبعك بعينك بتوجعك متل ما بتوجع غيرك . يقال لعدم ايذاء الناس
- عشرة الناس بتتعب الراس .
- ياجاري انت بحالك وانا بحالي . يقال في البعد عن اذى الجار
- العين بصيرة والئيد (اليد ) اصيرة (قصيرة ) .يقال في عدم المقدره على فعل مايراد
- يلي بينزل من السما بتستلئيه ( تتلقاه ) الأرض . يقال للتوكل
- خبز الرجال عالرجال دين وعالاندال ( الأنذال ) صدئه (صدقة ) . يقال للوفاء بالشيء
- ضربة المعلم بالف ولو شلفها شلف . يقال في وصف مهارة الشخص
- بيدوب التلج وبيبان المرج . يقال للصبر في معرفة الشيء
- يلي دليلو(دليله ) جردون ياما بدو يفوت ششامي . يقال لمن يتبع الشخص الخطأ
- مو(ليس ) كل اصابيعك متل بعضا ( بعضها) يقال للتمييز بين الاشياء
- نئطة (نقطة ) دم ولاقنطار محبة . يقال للمحبة بين الاسرة
- يلي بياكل العصي مو متل يلي بيعدا(يعدها ) . يقال لمن يتفرج على المهموم
- الحجر يلي مابيعجبك بيفجك (يشجك ) يقال لتقدير قيمة الاخرين
- الحكي (الكلام) الك ياجارة اسمعي يا كنه . يقال لتنبيه الكناين
- فوتة (دخول ) الجار لعند الجار اولها مذله واخرها معيار.يقال لعد الخلطة بين الجيران
- اذا بدك(تريد) مرتك (زوجتك ) تلين (تخضع) عليك بحطب التين .يقال لاخضاع الزوجة
- الإيد (اليد) يلي مابتحبها بوسها وادعي عليها بالكسر .يقال لمن لايقدر على شخص ما
- زوزك (زوجك ) على ما عاودتي وابنك على ما ربيتي . يقال لتقوية المرأة
- غسلي وشك (وجهك) مابتعرفي مين بيبوسو(يقبله) ونضفي (نظفي) بيتك مابتعرفي مين بيدوسو(يزوره)
- بتدء (تضرب) على ركبتها وبتطالع (تبين) كذبتها .يقال في تاليف المرأة للكذب
- الارد (القرد) بعين امه غزال
- يلي مابيغار من جارته بتطء(تطق) مرارته . يقال للتشجيع على المنافسه
- يا مآمنه (مؤمنة ) بالرجال متل المي (الماء) بالغربال . يقال في عدم الامان للرجال
- زيوان البلد ولا امح (قمح ) البلد . يقال في تفضيل اهل الحارة عن الغريب
- لباس مافي (لايوجد) دكه (رباط السروال) باربتعش (14) .يقال لقليل التدبير
- حارتنا ديقة (ضيقة ) ومنعرف بعض .يقال للمتكبر
- على اد (قد) لحافك مد رجليك . يقال للمتهور
- لاتنام بين الأبور (القبور ولاتشوف منامات (احلام) وحشة . يقال لعدم المخاطرة
- يامسترخص اللحم عند المرءة (المرق ) تندم . يقال لمن يتهاون في الشيء
- هالك لو تهلك ولو رموك عالمهلك . يقال للحض على حب الاهل
- البي (قلبي ) على ولدي والب (قلب ) ولدي عالحجر . يقال في عقوق الابناء
- الحماية حمة (حمى ) وبنت الاحما عئرب (عقرب ) مسمة . يقال في وصف بيت الاحمة
- غسالة البطون احلى منه مابيكون . يقال لاصغر الابناء
- الاب عاشئ (عاشق ) والام غيرانه والبنت بالبيت حيرانه . يقال لمن لايسطر على بيته
- يلي بيطلع ( ينظر ) فيي بعين بتطلع فيه بعينتين .
| |
|
@LaMa@
مشـــــــرفة عامـــــــة
الدولة : الجنس : الابراج : الأبراج الصينية : عدد المساهمات : 1562 نقاط العضو : 3759 تاريخ الميلاد : 27/07/1996 تاريخ التسجيل : 04/08/2011 العمر : 27 الموقع : في منتديات ورود الاسلام دراسة المزاج : دائمآ ممتاااااااااااااااااازة
| موضوع: رد: الامثال بالشامي الأحد سبتمبر 04, 2011 10:30 am | |
| حلويييين كتيييييير كتير كتير
بس انت وتميزك دائمآ احلى واحلى | |
|
black dove
مشرف القسم الترفيهي
الدولة : الجنس : الابراج : الأبراج الصينية : عدد المساهمات : 727 نقاط العضو : 1956 تاريخ الميلاد : 03/03/1996 تاريخ التسجيل : 16/05/2011 العمر : 28 الموقع : على الفيس بوك رياضة المزاج : خفيف دم رايق دائما
| موضوع: رد: الامثال بالشامي الإثنين سبتمبر 05, 2011 12:37 pm | |
| احلى امثال و احلى كاتب شكرا الك | |
|
BLACK@HEART
نائب المدير العام
الدولة : الجنس : الابراج : الأبراج الصينية : عدد المساهمات : 1630 نقاط العضو : 5763 تاريخ الميلاد : 22/10/1995 تاريخ التسجيل : 12/04/2011 العمر : 28 رئيس جمهورية المزاج : طنش تعش تنتعش
المهنة عارضة الطاقة: (0/0)
| موضوع: رد: الامثال بالشامي الثلاثاء سبتمبر 06, 2011 4:12 am | |
| | |
|